| oh!!! long time no see!!! 差不多又兩個月 五月尾有籌款RECITAL 完左佢地差不多開始考試 比較空閒 仍然有野做 今日準時放工 去黃金買嘢 左行加行左睇右睇左諗右諗 甘就行左成個鐘 收穫係三十八元既必須品 其他心大心細想買既都係...算吧... 去完黃金再上高登 又係左睇右睇左諗右諗 最後都係決定番屋企 四十二好多人 搭左另一架車出旺角轉車 行左半條花園街 都無收穫 無(物)慾無(要)求既生活 過得好..... 過得好..... |
| |
| 重覆的每一天 工作如是 假期如是 對任何事都提不起興趣 是病了嗎? 迷失方向... 迷失自己... |
| |
| 17 Feb 又係學習既一天 學點做人 或者應該係學點樣做個「聰明」人 想做一個好人 不過其實好危險,隨時俾人跣一獲 想做一個幫得手既人 亦都好危險,因為做得越多,越容易中招 咁應該做一個咩人? 夾心餅中... 16 Feb 今日番0730 以前番學既時候好似都無番得咁早 街上車唔多不過搭車番工既人都幾多 都叫準時番到去 番去之後都無點停過 唔係忙呢樣就係o個樣 走動既工作居多 終於係0930忙完第一節 食完早餐就開始第二樣 其實忙都唔係一件大問題 不過發現只不過係一件好簡單既事 都可以俾其他人諗到好複雜 仲想俾個氹你跣你一獲 一件好簡單既事 都可以攞著數 我只不過想做好一件事 你好之餘我又好 點解唔可以簡單D? 我工作上要接觸既人已經唔多 都可以咁 又一次學到點做人 唉~ 14 Feb 情人節與郭靖黃蓉為伴 哈哈~ 13 Feb 正常番工既日子 無咩特別 做番D平常做既事 不過佢地就黎比賽 又有學校既表演 多左練習 我需要兼顧既事就多左 今日番左一次0800 因為要開會... 可惜開左會同無開會既結果好似差唔多咁 唉~ 有時都會諗係咪我服侍得佢地太好 但係我又睇唔過眼佢地無自覺性 + 慢動作既態度 唉~ 下星期一佢地有學校表演 要番0730 仲要係準時o個隻! HAHAHA~~ big challenge!! |
| |
| 1/2/2009 (sunday) 人日 生日快樂呀!!!!!!! 今日全日都留左係屋企 除左落街落左兩次 好耐都無試過星期日全日都stay at home 係屋企做咩? 睇左一集韓戲 上網 小睡 幫手開飯 繼續上網 就係咁多 仲有...打左好幾個電話 因為有一個導師聽日上唔到堂 要打番電話通知佢地 十點幾先打電話俾佢地 真係唔好意思!!!!! |
| |
| 20/1 (Tue) 佢地今日開始正常番學啦~以為今日會好忙,點知又唔係! 可能係因為之前已經準備好晒啦~ 今日定晒過左年既所有 rehearsal 時間表,改左幾次!! 今日比較忙就係 lunchtime, 得四間房上堂, 不過有五個老師黎!!! settle好地方又要搵人上堂,好在d F.1 既小朋友都有記性~ 成個 lunchtime就係學校行黎行去,不過咁都好過我之前剩係坐係間房度做野,行完個人都暖d~~ 21/1(wed) 今晚約左Emond and Esther 食飯~~ 我地呢個組合都有好長既時間無一齊見面,所以今次都好難得!!! 約左係長沙灣食扒~ 試左一個芥末西冷羊扒!!! 好好味呀~食完之後仲去左附近馳名既糖水鋪食左一個黑珍珠馬蹄露!! 滿足~ 傾左成晚, 我實在很幸福哩~一定要珍惜!!!! 仲要繼續努力!!!! 22/1 (thur) 今日有比賽時間表出爐, 一早連早餐都未食完就已經要開工!!! 到拎到比賽時間表就更忙~成日最主要就係整呢樣野!! 放學之後仲要派番比賽既 memo 俾學生,俾我想像中少人~可能一早既 preparation 做得幾好,唔係放學將會好 "le hea"呀!!!!! 23/1 ( Fri) 今日番九點 因為早放 今朝食左一個豐富早餐 足夠令我可以捱到兩點幾先食 lunch 學生今日 all day 有活動 於是我一直都唔會有時間食野 要佢地放學我先食得... |
| |
